Que facemos?

Así, comezamos coa realización dun estudo sobre a presenza do deporte feminino nos medios de comunicación. E o resultado foi frustrante. No ano 2009, despois de analizar durante un mes toda a información deportiva de sete xornais (cinco galegos e dous deportivos), a realidade é que ao deporte feminino só se lle dedicaba o 2,3 por cento do espazo total.

Dous anos máis tarde repetimos este mesmo estudo e o certo é que non se mellorara nada. A deportista era invisible, a pesar dos magníficos resultados acadados, así que comezamos a celebrar de actividades que tiñan como obxectivo dar visibilidade ás mulleres deportistas.

Comezamos a participar ou promover charlas, debates, conferencias en centros de ensino, na Universidade e noutros colectivos. Co mesmo obxectivo: Concienciar sobre un problema real e as veces descoñecido para a sociedade.

Tamén realizamos folletos informativos, unha exposición fotográfica sobre o deporte feminino, que fixemos itinerante tentando achegar esta realidade a todos e concienciar á sociedade sobre a necesidade de cambiar esta situación de discriminación.

Durante tres anos consecutivos na cidade da Coruña da Xornada do Deporte Feminino na Rúa, coa participación de varias federacións deportivas que se sumaron a esta iniciativa.